АСТАНА, 28 маусым — Sputnik. Ауа райына байланысты бірнеше облыста ескерту жарияланды.
29 маусымда Қостанай облысының кей жерінде найзағай ойнап, солтүстік-батыстан жел соғады, оның күші 15-20 м/с болады. Тұман түсуі ықтимал.
Ақтөбе облысының кей жерінде найзағай ойнайды, солтүстік-батыстан соққан желдің екпіні 15-20 м/с-ке дейін жетеді.
Ақмола облысында солтүстіктен, солтүстік-батыстан жел соғады, күші 15-20 м/с болады. Кей жерлерде найзағай, тұман, дауыл, бұршақ түсуі мүмкін.
Астанада күндіз солтүстіктен, солтүстік-батыстан соққан желдің екпіні 15 м/с болады.
Күндіз 29-30 маусымда Маңғыстау облысында 43°С дейін өте қатты ыстық болады.
Атырау, Батыс Қазақстан облыстарында күн 40-41°С дейін ысиды.
