АСТАНА, 26 маусым — Sputnik. Ресейдің Ростов қаласында аптап ыстықта көлікте қалған қыздар көз жұмды, деп жазды 161.ru.
Өңірдің құқық қорғау органдары хабарлағандай, қаладағы Ворошилов ауданының тұрғыны бір жарым және үш жастағы балаларын 12 жастағы қызына қалдырған. Әйелдің өзі емтихан тапсыруға кетіпті.
Алдын ала мәлімет бойынша, кәмелетке толмаған қыз балаларды ауладағы тұраққа қойылған көлікте қалдырып кетіп қалған. Әйел қайтып келгенде екі қызы қатты қызған көліктің салонында ес-түзсіз жатқанын көреді. Анасы оларды сыртқа алып шығып, "жедел жәрдем" шақырған. Өкінішке қарай, дәрігерлер оларды құтқарып қала алмады.
