Қоғам

Астанада екі апта бұрын жоғалып кеткен оқушы қыз табылды

CC0 / / Жасөспірім
Жасөспірім - Sputnik Қазақстан
Жазылу
Полицейлердің айтуынша, 13 жастағы қыз аман, жағдайы жақсы

АСТАНА, 20 маусым – Sputnik. Астаналық полицейлер Қызылорда облысы ІІД қызметкерлерімен бірлесіп, екі апта бұрын жоғалып кеткен оқушыны іздеп тапты, деп хабарлайды Sputnik Қазақстан елорда ІІД баспасөз қызметіне сілтеме жасап.

Қыз - Sputnik Қазақстан
Өңірлер
Алматыда 16 жасар қыз жоғалып кетті

Бұған дейін әлеуметтік желілерде Астанада 13 жастағы қыздың жоғалып кеткені туралы ақпарат тараған болатын. Соңғы рет оқушыны 7 маусым күні  Алматы көшесіндегі тұрғын үйлердің бірінің маңынан көрген. 8 маусымда қыздың әкесі полицияға жүгініп, іздеу шаралары сол күні-ақ басталған еді. 

Бүгін Астана ішкі істер департаменті қыздың табылғанын хабарлады. 

"Жүргізілген іздеу шаралары нәтижесінде елордалық полиция қызметкерлері Қызылорда облысы ІІД-мен бірлесіп, кәмелетке толмаған қыздың тұрғылықты жерін анықтады. Қыз аман, жағдайы жақсы", — делінген хабарламада.

Жаңалықтар
0