АСТАНА, 28 мамыр — Sputnik. ҚР премьер-министрінің орынбасары және ауыл шаруашылығы министрі Өмірзақ Шөкеев журналистерге бос уақытында немен айналысатынын айтты, деп хабарлайды Sputnik Қазақстан тілшісі.
"Сіздің саксофонда ойнайтыныңызды білеміз. Шаршаған кезде тағы қалай уақыт өткізесіз?", — деп сұрады журналистер Шөкеевтен парламент кулуарында.
Министр кез келген адам өзін-өзі дамытып қана қоймай, денсаулығын күтуді де естен шығармағаны абзал екенін айтты.
"Қазір әр адам өзін түрлі салада дамытып, жан-жақ қырынан көрінгісі келеді. Көп оқып, барлығынан хабардар болып жүруің керек. Бір жағынан, денсаулықты да ұмытпаған жөн, спортпен шұғылдану қажет. Мен де басқалары сияқты дене шынықтырумен айналысамын, кей кезде бос уақытымда саксофонда ойнаймын", — деді вице-премьер.
