Спорт

Чемпиондар лигасының жеңімпазы анықталды

© REUTERS / Kai PfaffenbachЧемпиондар лигасының финалында "Реал" "Ливерпулді" ұтты
Чемпиондар лигасының финалында Реал Ливерпулді ұтты - Sputnik Қазақстан
Жазылу
"Реал" қатарынан үшінші жыл Чемпиондар лигасын жеңіп алды

АСТАНА, 27 мамыр — Sputnik. Футболдан УЕФА Чемпиондар лигасының осы маусымдағы жеңімпазы анықталды, деп жазды prosports.kz.

Киев төрінде ағылшынның "Ливерпулі" мен испанның "Реал Мадриді" жолыққан. Мадридтік команда қатарынан үшінші маусым кәрі құрлықтың басты додасында финалға шығып тұрса, "Ливерпуль" үшін бұл соңғы 11 жылдағы алғашқы осындай жетістік.

Пәтер ұрлығы - Sputnik Қазақстан
Әлем
Әлемге әйгілі футболшы үйіне түскен ұрыға ақша беріп, жұмысқа тұрғызған

Бірінші таймда командалар сақ ойнап, ашыла қойған жоқ. Сондықтан, үзіліске дейін қауіпті шабуылдар аз болды. Бірақ бірінші таймның басты оқиғасы деп "Ливерпульдің" жетекші ойыншысы Мохамед Салахтың күтпеген жерден жарақат алуын айтуға болатын шығар. Көп ұзамай "Реал" да бір ойыншысынан айырылды. Дани Карвахаль жарақат алып, ойынды ерте аяқтады. Қос футболшы да алаңнан жылап кетті.

Қызықтың бәрі үзілістен кейін болды. 51-минутта қақпашы Лорис Кариустың өрескел қателігінен кейін Карим Бензема есеп ашты. Бірақ төрт минуттан соң Садио Мане таразы басын теңестірген. Ал 64-минутта Марселоның қапталдан асырған пасынан соң Гарет Бэйл қайшылай соққы жасап, "Реал" тағы да алға шықты. Бұл голмен мадридтік команда тоқтап қалған жоқ. 83-минутта Бэйлдің алыстан жасаған соққысын Кариус ұстап тұрып, жіберіп алды. Қорытынды есеп – 3:1. "Реал" қатарынан үшінші жыл Чемпиондар лигасын жеңіп алды.

"Реал Мадрид" – "Ливерпуль" 3:1 (0:0)

Голдар: 1:0 – Бензема 51, 1:1 – Мане 55, 2:1 – Бэйл 64, 3:1 – Бэйл 83


Жаңалықтар
0