АСТАНА, 11 мамыр — Sputnik. Екінші жартылай орта салмақтағы WBO тұжырымы бойынша әлем чемпионы Василий Ломаченко қазақстандық Геннадий Головкин мен мексикалық Сауль "Канело" Альварестің бақталастығы туралы не ойлайтынын айтты, деп жазды Sports.kz.
Боксшылардың алғашқы жекпе-жегі өткен жылдың қыркүйегінде өтіп, тең аяқталды. Реванш 5 мамырда өтуі тиіс еді, алайда мексикалықтың допингпен ұсталуына байланысты тоқтатылды.
— Жұрт "Канело" мен Головкин жайлы айтқанда, олар туралы не ойлайсың?
— Бірі адал дайындалып, екіншісі құйтырқылыққа барып жатқанда жекпе-жек туралы айту қиын. Ол жайында не деріңді білмейсің.
— Ал бокс машықтары тұрғысынан Головкинді Альварестен жоғары қояр ма едің?
— Мен Альваресті шеберлігі бойынша жоғары қоя алмаймын, өйткені алғашқы жекпе-жекте Гена ұтты деп есептеймін. Менің пікірім бойынша ол жеңілген болса, Геннадийден қалай ілгері қоймақпын?, — деді Ломаченко баспасөзге берген сұхбатында.
