Әлем

"Адам болсын деп істеді". Таяқ жеген студенттің анасы оқытушыны ақтап алды – видео

CC0 / / Студент
Студент - Sputnik Қазақстан
Жазылу
Өзбекстанда студентті аяқ киімімен ұрған оқытушы қызметінен алынды

АСТАНА, 23 сәуір — Sputnik. Өзбекстанның Хорезм облысы кәсіби автожол колледжінің биология пәнінің оқытушысы Зебо Нафасова оқушыға күш қолданғаны үшін қызметінен алынған, деп жазды centralasian.org.

Әлеуметтік желі арқылы тарап кеткен видеода оқытушы Зебо Нафасова студенттердің көзінше, 17 жастағы Мұхаммад Жуманазаровты аяқ киімімен ұрады. Тексеру барысында бұл видеоның 12 сәуірде түсірілгені анықталған.

Орта арнайы кәсіби білім беретін оқу орнының қызметкері Салохиддин Санакулов бұл оқиғадан кейін оқытушы Зебо Нафасова қызметінен алынғанын хабарлады.

қолы кісенделген ер адам, архив - Sputnik Қазақстан
Оқиға
Астанада аялдамада егде адамды аяусыз ұрған жігітті полиция ұстады

Жәбірленушінің туысы оның анасы оқытушыны кінәламайтынын айтады. 

"Оның ойынша, мұғалім адам болсын деп істеген", – дейді жәбір көрген оқушының туысы.

Хорезм облысындағы Әйелдер ісі жөніндегі комитет қызметкері Зебо Нафасованың соңғы кезде қатты күйзелісте жүргенін айтады.

"Бірнеше күн бұрын оның күйеуін есірткі сақтады деген айыппен ұстап әкеткен. Қазір ол тергеу абақтысында. Зебо Нафасованы да тергеушілер үнемі сұрауға алып, күйзеліске түсірді. Бірақ кез келген жағдайда, ол студенттерге қол көтермеуі тиіс еді", – дейді Әйелдер ісі жөніндегі комитет қызметкері.


Жаңалықтар
0