АСТАНА, 28 наурыз — Sputnik. 29-31 наурыз аралығында циклондар мен антициклондар Қазақстан аумағы арқылы қатты жылдамдықпен жылжиды. Осыған байланысты елімізде ауа-райы құбылып, жаңбыр мен қар жиі жауады, деп хабарлайды "Қазгидромет".
Алдағы үш тәулікте Қазақстан аумағының басым бөлігінде күн жауын-шашынды, оңтүстік бөлігінде найзағай ойнап, жаңбыр жауады, солтүстігінде ылғалды қар жауып, тұман түседі және көктайғақ болады.
Еліміздің басым бөлігінде ауа температурасы бұрынғыша климаттық нормадан жоғары, тек солтүстік аудандарда температура 2-3°С нормадан төмен болады.
