АСТАНА, 23 наурыз — Sputnik. Астана мен Ақмола облысында, синоптиктердің болжауынша, көктайғақ, боран және бұрқасын болады, деп хабарлайды "Қазгидромет".
"23-24 наурызда Ақмола облысында көктайғақ, боран болады. Оңтүстік-батыс және батыстан соққан желдің екпіні түнде кей жерлерде 15-20 м/с, күндіз басым бөлігінде 15-20 м/с, ұйытқуы 23-28 м/с. Астана қаласында: 23 науырзда күндіз, 24 наурызда тәулік бойы оңтүстік-батыс және батыстан соққан желдің екпіні 15-20 м/с, кей жерлерде көктайғақ", — делінген хабарламада.
Синоптиктердің мәліметіне сүйенсек, атмосфералық фронттардың өтуіне байланысты Қазақстанның басым бөлігінде құбылмалы ауа райы сқаталады, кей жерлерде жауын-шашын түседі. Кей жерлерде тұман, көктайғақ, бұрқасын, төменнен соққан боран.
Республиканың оңтүстігінде күн күркірейді. Павлодар, Батыс Қазақстан, Қарағанды облыстарында кей жерлерде тұман, көктайғақ, желдің екпіні 15-20 м/с. Алматы, Оңтүстік Қазақстан облыстарында күн күркірейді, желдің екпіні 15-20 м/с. Қостанай, Ақтөбе, Солтүстік Қазақстан облыстарында кей жерлерде тұман, көктайғақ, желдің екпіні 15-20, кей жерлерде ұйытқуы 23-28 м/с, төменнен соққан боран.
Шығыс Қазақстан облысында кей жерлерде тұман, көктайғақ, күн күркірейді, желдің екпіні 17-22 м/с. Атырау облысында түнде және таңертең кей жерлерде — көктайғақ, күндіз желдің екпіні 15-20 м/с. Жамбыл облысында кей жерлерде тұман, күн күркірейді, желдің екпіні 15-23 м/с.
Қызылорда облысында кей жерлерде тұман, найзағай, дауыл, желдің екпіні 15-20, күндіз ұйытқуы 25 м/с. Маңғыстау облысында кей жерлерде тұман, түнде кей жерлерде желдің екпіні 15-20 м/с.
