Қоғам

ОҚО-дағы баланың ісіне қатысты жаңа дерек шықты

© Sputnik / Александр Кряжев / Медиабанкке өтуЗертхана, архивтегі фото
Зертхана, архивтегі фото - Sputnik Қазақстан
Жазылу
НовостиTelegram
Таяу арада халықаралық сарапшыларды тарту арқылы сараптама жүргізілмек

АСТАНА, 18 наурыз — Sputnik. Оңтүстік Қазақстан облысындағы Абай ауылында жоғары сынып оқушылары зорлады деген 7 жасар бала анасымен бірге Астанадан Алматыға ұшады. Анасы мен ұлы "Аналар үйі" орталықтарының біріне орналастырылмақ. 

Бала - Sputnik Қазақстан
Қоғам
Екі әулет арасындағы дау – депутат сарыағаштық баланың ісіне қатысты пікір айтты
"Аналар үйі" атқарушы комитетінің төрайымы Анар Рахымбаеваның айтуынша, таяу арада халықаралық мамандарды тарту арқылы сараптама жүргізу жоспарланып отыр. Сараптама бүлдіршіннің зорланған-зорланбағанын анықтайды. 

"Барлық әрекет бас прокуратура өкілдерінің қатаң қадағалауында болады. Тергеу мүддесіне байланысты істің анық-қанығын жария ете алмаймын. Аталған жағдайды құқықтық алаңда шешу қажет, жан-жақтан өте көп ақпарат тарап жатыр, барлығынан тынышталып, жағдайды ушықтырмауды сұраймын", — деген Рахымбаева баланың әжесі мен тәтесі де Алматыға жол жүретінін нақтылады. 

Рахымбаева дағдарыс орталығының қауіпсіздік қызметінің жұмысы күшейтілгенін атап өтті. 

Зағипа Балиева - Sputnik Қазақстан
Қоғам
Балиева: 7 жасар бүлдіршінмен кездескісі келетіндерге бір шартым бар
Ал баланың қорғаушысы Құрманғазы Мүсір Алматыға ұшар алдында дүйсенбі, 19 наурыз күні қылмыстық іс аясында бас прокуратура өкілдерімен кездесу өтетінін айтты. 

ОҚО-ның Сарыағаш ауданындағы Абай ауылында болған оқиға жұрттың жағасын ұстатты. 7 жасар баланың әжесі өткен жылдың тамызынан бері немересін жоғары сынып оқушылары зорлап келгенін мәлімдеген еді. Егде әйел полицияға шағымданғанмен, ондағылар істі тоқтатып тастаған.


Жаңалықтар
0