Әлем

Қырғызстан Қарағандыда киімнен у табылуына қатысты мәлімдеме жасады

© Sputnik / Владимир Песня / Медиабанкке өтуБаланың архивтегі фотосы
Баланың архивтегі фотосы - Sputnik Қазақстан
Жазылу
Қарағандыда көрші елден әкелінген балалар киімінен улы зат – формальдегид табылған болатын

АСТАНА, 25 ақпан — Sputnik. Қырғызстан жеңіл өнеркәсіп қауымдастығының (Жеңіл өнеркәсіп) президенті Сапар Асанов Қарағандыда сатылған қырғыз киімінен улы зат табылды деген ақпаратқа түсініктеме берді. 

 Айта кетейік, "Қырғызстанда жасалған" деген таңбасы бар жаялықтардан, жейделер мен жемпірлерден формальдегид табылған еді.  

Базар, архивтегі фото - Sputnik Қазақстан
Өңірлер
Қарағандыда Қырғызстаннан әкелінген киімдерден улы зат табылды
"Жеңіл өнеркәсіп" басшысы Қырғызстанның атын жамылған әлдекімдер елдің беделін түсіру үшін осындай зиянды киімдер тігіп, саудалап жатыр деп есептейтінін мәлімдеді. Сонымен қатар ол бұл киімдер Қырғызстан аумағындағы жасырын цехтарда тігілуі мүмкіндігін де жоққа шығармады.     

"Бізде, әсіресе, балалар киімі өндірісі қатаң бақыланады. Сапа сертификатынсыз елден киім шығарылмайды. Бізге "Қырғызстанда жасалған" таңбасымен қытай киімі жиі түседі. Қазақстан және Ресеймен 20 жылдан астам жұмыс істеп келеміз, осы уақыт ішінде біздің тауарларға қатысты бірде-бір ескерту болған емес. Бұл жасанды бұйымдар деп ойлаймын, әлдекімдер беделімізді түсіру үшін бізге ор қазып отыр", — деді Асанов Sputnik Қырғызстанға берген сұхбатында. 

Мемлекеттік санитарлық-эпидемиологиялық қадағалау департаменті бағынатын денсаулық сақтау министрі Талантбек Батырәлиев қауіпті тауар өндірісі туралы әзірге нақты ақпарат жоқ екенін хабарлады. Сондықтан бұл киімдер Қырғызстанда тігілді деуге әлі ерте.  

"Егер ақпарат расталса, біз бұл іспен айналысып, соңына дейін жеткіземіз. Алайда бізде өндіруші және тауар құрамы туралы нақты ақпарат жоқ. Өз басым отандық өнеркәсіп өніміне қатысты бірде-бір шағым алған жоқпын. Ол тиісті деңгейде тексеріліп жатыр", — деп атап өтті министр.  


Жаңалықтар
0