АСТАНА, 11 қаңтар — Sputnik. Астанада бірінші ауысымдағы 1-11-сынып оқушылары мен колледждердің 1-2 курс студенттеріне сабақ болмайды.
"Астана қаласы білім басқармасы ауа райының нашарлауына байланысты бірінші ауысымдағы 1-ден 11-сыныпқа дейінгі оқушылар, сондай-ақ 1-2 курс студенттері үшін сабақ тоқтатылғанын хабарлайды", — деп жазылған "109" телефон нөмірі арқылы таратылған хабарламада.
Астанада қазір ауа температурасы 9 градус суықты көрсетіп тұр.
Қысқы кезеңде ауа райының қолайсыздығына байланысты Астана әкімшілігі қаланың білім беру ұйымдарында (жалпы білім беретін мектептерде және колледждерде (1-2 курс студенттері үшін) сабақты тоқтату параметрлерін жариялады.
