Қоғам

Вице-министр: синоптиктер қыс қатты суық болады деп болжам жасап отыр

© Sputnik / Яков Андреев / Медиабанкке өтуАязды күні серуендеп жүрген баланың архивтегі фотосы
Аязды күні серуендеп жүрген баланың архивтегі фотосы - Sputnik Қазақстан
Жазылу
НовостиTelegram
Қазақстандық құтқарушылар қатты суық қысқа дайындалып жатыр және көктем ерте келеді деп болжануда

АСТАНА, 21 қараша— Sputnik. Қазақстан ішкі істер министрінің орынбасары Юрий Ильин азаматтық қорғаныс органдарының қыс мезгіліне дайындығы туралы айтып берді.  

"Көптеген метеоқызмет қыс қатты суық болады деп болжам жасап отыр. Біз "Казгидромет" бөлімшесінің мәліметтерін негізге аламыз. Болжамның дәлдігі  — 60%. Синоптиктердің болжауынша, желтоқсанда орташа ауа температурасы Қазақстанның солтүстік, солтүстік-шығыс және орталық бөліктерінде нормадан төмен болады, жауын-шашын мол түседі", — деп хабарлады Ильин брифингте.  

боран, архив - Sputnik Қазақстан
Өңірлер
Биыл қыс ерте түсе ме? Синоптиктер алдағы қыс қандай болатынын айтты
Қаңтарда республиканың орталық, солтүстік және шығыс бөлігінде суық көпжылдық қадағалау нормасынан төмен болады. Ақпанда елдің батысы мен солтүстік-батысында суық нормадан төмен болады деп болжанып отыр.    

Қазгидрометтің болжауынша, көктем ерте шығып, жауын-шашын көп түседі. 

 Вице-министр қыс мезгілінде жағдай қиындайтын болса, төтеншеліктер шұғыл әрекет ететінін атап өтті. Барлық техника сақадай сай дайын тұр. 9-10 қараша күндері "Қыс-2017" оқу-жаттығуы аясында төтенше жағдайларға дайындық шаралары пысықталды.    


Жаңалықтар
0