АСТАНА, 9 қаңтар — Sputnik. Алматы полицейлері қаладағы дәмханалардың бірінің жанында екі жігітті соққыға жыққан күдіктілерді анықтады, деп хабарлады ішкі істер департаментінің баспасөз қызметі.
1 қаңтарға қараған түні Жетісу ауданындағы "Сафира" дәмханасының жанында болған оқиға видеоға түсіп қалған.
"Күдіктілердің кім екені анықталды. Олардың бірі, 1995 жылы туған Жамбыл облысының тумасы өткен түнде ұсталды, кінәсін мойындап отыр. Бұрын ол адам өлтіргені үшін сотталған. Қылмысқа қатысы бар өзге күдіктілерді ұстау бойынша жедел іздеу шаралары жалғасуда", — деп мәлімдеді Алматы ІІД криминальды полиция басқармасының басшысы Жанболат Зиадин.
Ұсталған жігіт уақытша ұстау абақтысына жабылды.
