Қоғам

Ризабек Батталұлы: әйелді денесін жарақаттап алмайтындай етіп ұруға болады

© Sputnik / Максим Богодвид / Медиабанкке өтуМешіт, архивтегі фото
Мешіт, архивтегі фото - Sputnik Қазақстан
Жазылу
НовостиTelegram
Дінтанушы уағыздарының бірінде шариғат әйелді ұруға рұқсат беретінін мәлім етті

АСТАНА, 5 қаңтар — Sputnik. Еліміздегі мешіттердің бірінде дінтанушы Ризабек Батталұлы ер азаматтарға айтқан тілді алмаған әйелді қалай дұрыс ұру керектігін түсіндірген. Уағыздың видеосы әлеуметтік желілерде жарияланды. 

Оның айтуынша, әйелді денесін жарақаттап, бір жерін сындырып  алмайтындай деңгейде ұруға болады. Оған шариғатта рұқсат етілген. 

Тұрмыстық зорлық-зомбылық - Sputnik Қазақстан
Қоғам
Отбасында жанжал шығарғандарды қоғамдық жұмысқа салу ұсынылды
"Пайғамбарымыз үйлеріңде қамшы ілулі тұрсын деген. Ата-бабаларымыздың төрге қамшы іліп қоятын болған. Әйел ол қамшыдан сескеніп жүреді. "Левый-правый" кетті ме, ол қамшының тиетінін біледі. Аталарымыз киімнің сыртынан осып жіберетін болған. Жоныңнан таспа тілем деген содан шыққан. Қайыстың ұшы тисе, жорғалап кетесің сен. Пайғамбарымыздың ол жайлы хадисі де бар. Егер насихатыңды тыңдамаса, сендерге жарақат салмайтын деңгейде ұруға рұқсат етіледі деген. Шариғат бойынша беттен ұруға болмайды. Бірақ желкесінен қысып қойсаң болады", — деп түсіндірді Ризабек Батталұлы.

"Бостық қылып, шектен шығарып алсақ, құдайдың алдында жауап береміз. Қатігездік танытып, бір жерін сындырып алсақ та жауапты боламыз", — деп түйіндеді ол.  


Жаңалықтар
0