АСТАНА, 3 қаңтар — Sputnik. "АрселорМиталл Теміртау" АҚ металлургиялық комбинатының цехынан жұмысшының денесі табылды. Ақпаратты Теміртау қаласының төтенше жағдайлар басқармасы растады.
Ер адамның денесі 3 қаңтар күні комбинаттың домна пештерінің бірінен табылды. Оқиғаның мән-жайы хабарланбайды.
"АрселорМиталл Теміртау" АҚ баспасөз қызметінің Sputnik Қазақстанның сауалына берген жауабында 3 қаңтарда таңғы 8 шамасында домна цехының аумағында теміржолда 35 жастағы цех қызметкерінің денесі табылғаны айтылған. Отбасы жоқ.
Арнайы комиссия құрылды, оқиға тексеріліп жатыр.
Еске сала кетсек, өткен жылдың маусым айында домна цехының газ құрылғыларын тексеріп жатқан кезде бір адам қаза тауып, екеуі зардап шеккен еді. Төтенше жағдайға ауаны тазартып, қауіпті газды шығаратын желдеткіш жүйе себеп болуы мүмкін. Осы оқиғадан кейін арнайы комиссия құрылды.
Бұдан бөлек, өткен жылдың желтоқсанында "АрселорМиталл Теміртау" компаниясына қарасты Түсіп Күзембаев атындағы шахта опырылып құлап, салдарынан 35 жастағы ер адам зардап шекті.
