АСТАНА, 2 қаңтар — Sputnik. Қырғызстан Ұлттық онкология орталығының радиогинекология және брахитерапия бөлімінің меңгерушісі Шынар Батырханова адам папилломасы онкологиялық вирусы қандай жолдармен жұғатынын әңгімелеп берді.
Ол Sputnik Қырғызстан радиосына берген сұхбатында жыныс органдарының қатерлі ісігі ер адамдарда да болатынын атап өтті.
"Жалпы алғанда, жыныс органдарының қатерлі ісігіне ер адамдар да шалдығады. Бірақ папиллома вирусы ер адамдарға қауіп төндірмейді, яғни қатерлі ісік тудырмайды. Осы ретте айта кететін жайт, әйелдерді қатерлі ісікке шалдықтыратын бұл қауіпті вирусты ер адамдар тасымалдайды. Әйелдер жыныстық қатынасқа түсе бастаған сәттен бастап оларға бұл вирусты жұқтыру қаупі туындайды", — деді Батырханова.
Ол дәрігерлер адам папилломасы вирусының алдын алу үшін ұл балаларға арналған вакцина жасап шығарғанын атап өтті.
