АСТАНА, 30 желтоқсан — Sputnik. Қарағанды полицейлері темір тұлпар иелерін Жаңа жылмен ерекше құттықтады, деп хабарлайды облыстың жергілікті полиция қызметі.
"Жүргізушілер мен кішкентай жолаушлыларға тосын сый ұйымдастырдық, оларды Аяз ата мен Қаршақыз күтіп тұрды. Қарағанды орталығында жол-патрулдік полицияның жаңа жылдық экипажы кезекшілік жасады", — делінген хабарламада.
Инспектор көліктерді тоқтатып, жүргізушілерді Жаңа жылмен құттықтап, сыйлықтар ұсынған: телефон гарнитурасы, қолжазба кітап, автокөлікке арналған ароматизатор мен тегін көлік жудыру сертификаттары.
Қаланың кей тұрғындары ерекше экипаждың қасына өздері тоқтап, жаңа жылдық кейіпкерлерді қуана қарсы алған.
