АСТАНА, 29 желтоқсан — Sputnik. Жол жүру ережесін бұзып, камераға түсіп қалған автокөлік иелері бір апта ішінде айыппұл төлейтін болса, 50% жеңілдік алады, деп хабарлайды әкімшілік полиция комитеті төрағасының орынбасары Әлібек Кеңісбаев.
28 Желтоқсан 2017, 11:45
Оның сөзіне сүйенсек, қазіргі заңнамаға сәйкес Қазақстанда автоматты жүйеде тіркелген жол жүру ережесін бұзу жайттары бойынша 50% жеңілдік қарастырылған.
"Түзетулерге сүйенсек, азаматтар келесі жылдан бастап жол жүру ережесін бұзғаны үшін айыппұл салынған сәттен бастап жеті күн ішінде бекітілген үлгідегі түбіртекпен соманың 50%-н ғана төлеу мүмкіндігіне ие болады", — деді Кеңісбаев баспасөз мәслихатында.
Бұл түзетулер ресми түрде жарияланған соң он күн өткенде күшіне енеді.
