АСТАНА, 25 желтоқсанда — Sputnik. Ер адам Жоғары сот, Назарбаев Университеті ғимараттары мен "Нұрлы Жол" вокзалына бомба қойылғаны туралы хабарлады.
Астана ішкі істер департаменті баспасөз қызметінің мәліметінше, 25 жастағы жігіттен алғашқы жалған қоңырау бүгін сағат 12.16-да түскен. Ол жаңа вокзалдың ғимаратына бомба қойылғанын хабарлаған, ал 14 минуттан соң Жоғары сот ғимаратына "бомба қойған".
"Қауіпсіздік шаралары қабылданды. Барлық қызмет уақытылы барды. Шақыртылған орындарда шұғыл әрекет ету қызметтері жұмыс істеді", — деп түсініктеме берді ІІД.
Департамент ер адамның жеке тұлғасы анықталғанын атап өтті. Ол психоневрологиялық диспансерде есепте тұрады екен, қазіргі таңда қамауда отыр.
Қылмыстық кодекстің 273-бабы бойынша сотқа дейінгі тергеу жүргізіліп жатыр. Ер адам алты жылға дейін бас бостандығынан айырылуы мүмкін.
