АСТАНА, 22 желтоқсан – Sputnik. Маңғыстау туризм колледжінің бірінші курс студентінің денесі 18 желтоқсанда сегізінші ықшамаудандағы тұрғын үйлердің бірінің шатырынан табылды, деп жазады өңірлік "Лада" басылымы облыстық ІІД баспасөз қызметіне сілтеме жасап.
"18 желтоқсанда сағат 01:49 шамасында кезекші бөліміне қоңырау келіп түсті. Оқиға орнына криминалдық полиция мен тергеу тобының қызметкерлері жетті. Қыз өлімі фактісі бойынша ҚР ҚК 105-бабы 3-бөлімі (Өз-өзін өлтіруге жеткізу) бойынша сотқа дейінгі тергеу жүріп жатыр", — деп хабарлады Маңғыстау облысы ІІД баспасөз қызметі.
Колледждегілер қыздың ашық мінезді болғанын, психологтың есебінде тұрмағанын айтты.
Басылымның ресми емес дерекөзі хабарлағандай, қыз шатырда асылып қалған. Ол жетінші мамырда биік құздан құлап, мерт болған қыздың құрбысы екен.
