Қоғам

Астананың көк түтіні: әкімдік қаланың экологиялық жағдайы жақсы екенін айтты

© Sputnik / Алексей Мальгавко / Медиабанкке өтуЖЭС
ЖЭС - Sputnik Қазақстан
Жазылу
Метеорологтардың сөзіне сүйенсек, Астанадағы көк түтінге монғол антициклоны себеп болыпты

АСТАНА, 21 желтоқсан — Sputnik. Ауаның ластану көрсеткіші шектен шыққан жоқ, төмен деңгейде, деді Астана қаласы табиғи ресурстар және табиғатты пайдалануды реттеу басқармасының басшысы Мұса Танабаев.

"Өңірдің экологиялық ахуалының интегралды көрсеткіші, яғни атмосфераның ластану индексі Астанада 2017 жылғы тоғыз ай ішінде 4,91 бірлікті құрады, 2016 жылғы сол уақыт аралығында 4,84 болған еді. Демек 5 бірліктен кем болғандықтан, ластану деңгейі төмен деуге болады", — деді Танабаев әкімдіктегі баспасөз мәслихатында.

"Қазгидромет" директоры Марина Шмидт өз кезегінде түсіндіріп өткендей, желсіз ауа райы зиянды заттардың жинақталуына әкеп соғып, елорданы көк түтін басқан екен.

Астанадағы түтін мен тұман - Sputnik Қазақстан
Қоғам
Бозымбаев: Астананың көк түтіні мені де мазалайды

"13 желтоқсаннан бастап монғол антициклоны тұрақтады, Астана аумағының ауа райына ықпал етті. Антициклон кезінде ауа райы тынық, күн ашық болады, атмосферада ауа ағындары алмаспайды, соның салдарынан зиянды заттар жиналып, көк түтін түзілді", — деді Шмидт.

Астана тұрғындары көк түтін басып кеткеніне жиі шағымданып жатады. Экологтардың айтуынша, жеке секторда тұрғындар үйлерін көмірмен жылытатындықтан, Астана аумағының басым бөлігін түтін басып кетеді.

Жаңалықтар
0