АСТАНА, 12 желтоқсан — Sputnik. "Астана" клубының бас бапкері Станимир Стоилов Еуропа лигасындағы "Спортингке" қарсы өтетін ойын туралы ойымен бөлісті, деп хабарлайды Prosports.kz.
Еуропа лигасы 1/16 финалының бірінші кездесуі 15 ақпан күні Қазақстанның астанасында өтсе, екінші кездесу бір аптадан кейін, яғни 22 ақпан күні Лиссабонда өтеді.
Стойлов "Астананың" басты проблемасы ойын практикасының аздығы екенін айтты.
"Спортинг" үшін жеребе жақсы түсті. Өйткені, ол фоварит. Бірақ біздің де команда осал емес. Өзін жақсы қырынан көрсете алады", — дейді Стоилов.
"Астананың" болгариялық маманы желтоқсанда кетуі мүмкін екенін де айтты.
"Болжамдар әртүрлі. "Астанада" қаламын ба, жоқ па — кейін шешемін. 100 пайыз сенімді емеспін. Бірақ мен кетуім керек", — деді бапкер.
