АСТАНА, 12 желтоқсан — Sputnik. Ұлттық қауіпсіздік комитеті шетелдік содырларға көмектесті деген күдікпен Степногор қаласының 3 тұрғынын ұстады, деп хабарлайды ведомствоның баспасөз қызметі.
12 желтоқсанда ҰҚК ішкі істер органдарымен бірлесіп Ақмола облысы Степногорск қаласының 3 тұрғынын ұстады.
"Ұсталғандар халықаралық террористік ұйымдардың үгіт-насихат материалдарын әлеуметтік желілерде жүйелі түрде таратып, шетелдік содырларға жәрдем көрсетті деп айыпталуда", — делінген хабарламада.
Тергеу шаралары терроризмді насихаттау және қаржыландыру фактілері бойынша қозғалған қылмыстық істер аясында жүргізіліп жатыр.
