АСТАНА, 12 желтоқсан — Sputnik. Шымкентте жол апаты салдарынан бұзылған газбен жабдықтау жүйесі қалпына келтірілді, деп хабарлады қалалық әкімдіктің баспасөз қызметі.
"Шымкентте дүйсенбі күні кешке жүк көлігі газ құбырына соғылып, салдарынан газсыз қалған 400 үйдің газбен қамту жүйесі қалпына келтірілді", — делінген хабарламада.
11 желтоқсанда жүк көлігі Желтоқсан-Белинский көшелері ауданында газ құбырын қағып кетті. Газ қызметі мамандары мен Шымкент әкімдігі түні бойы апат салдарын жойып, газбен жабдықтауды қалпына келтірумен айналысқан.
