АСТАНА, 6 желтоқсан — Sputnik. Алматы қалалық қылмыстық істер бойынша мамандандырылған ауданаралық сотында егіздер өлімі бойынша сот талқылауы жалғасуда, деп хабарлайды Sputnik Қазақстан тілшісі.
Бүгін сотта егіздерді өлтірді деген айып тағылған Өзбекстан азаматы Эмиль Гильмутдинов пен Алла Волченконы тергеген Алматы ІІД тергеушілерінен жауап алынды. Олардың сөзіне сүйенсек, күдіктілер тергеу барысында қарсылық көрсетпеген. Тергеушілер күдіктілер Түрксіб аудандық ішкі істер бөліміне өз еркімен келді ме, әлде біреу алып келді ме білмейді екен.
Одан кейін судья Эмиль Гильмутдиновтың сотқа дейінгі тергеу барысында берген жауабын оқыды.
"Мен Салават пен Ринатты өлтірмекші екенімді айттым. Ол шошып, олай жасамауымды, тым құрығанда біреуін тірі қалдыруымды сұрады", — деп оқыды судья Ерлан Болатов.
Гильмутдиновтың өзі мәлімдегендей, әйелі балаларды өлтірмек болғанын білмеген.
Жақса толмаған егіздердің мәйіті қыркүйек айында жалдамалы пәтерлердің бірінде тоңазытқыштан табылды. Олардың өліміне балалардың анасымен бірге тұратын ер адам айыпталған. Ер адам балалардың әкесі екенін мәлімдеді. Егіздердің ата-анасы олардың денесі табылғаннан кейін келесі күні ұсталды.
