АСТАНА, 24 қараша — Sputnik. Орал қаласында әйел жүріп бара жатқан автобустан түсіп қалып, екі аяғын сындырды, деп хабарлайды "Мой ГОРОД" порталы.
Басылымның ақпаратынша, №22 бағдарлы автобустың жүргізушісі Әбілқайыр хан даңғылымен келе жатқан. Циолковский аялдамасында жолаушыларды түсіргеннен кейін көліктің есігін жаппаған.
"Салдарынан 56 жастағы әйел автобустан түсіп қалып екі аяғын сындырды", — деп мәлімдеді БҚО ІІД-ден.
Қазіргі таңда аталған фактіге қатысты ҚР ҚК 345-бабы бойынша тергеу жүріп жатыр.
"Батыс Қазақстан автобус паркі" ЖШС директорының орынбасары Александр Цесько мұндай оқиға болмағанын мәлімдеді.
