АСТАНА, 24 қараша — Sputnik. "ЭКСПО-2017" көрмесі аумағында мұз айдынына алдағы екі күнде 50 пайыздық жеңілдікпен кіруге болады, деп хабарлады елорда әкімдігінің медиаорталығы.
"Астанада "ЭКСПО-2017" көрмесі аумағында ең үлкен ашық мұз айдыны жұмысын бастады. Қараша айының 25-26 күндері мұнда отбасыңызбен немесе достарыңызбен демалуға келуге болады – кіру билетіне 50 пайыз жеңілдік қарастырылған", — деп жазылған хабарламада.
Жұмыс кестесі: жұмыс күндері сағат 12.00-ден 23.00-ге дейін, демалыс күндері – сағат 10.00-ден 23.00-ге дейін.
Қосымша ақпарат және билеттер туралы www.kassir.kz сайтынан біле аласыздар.
