АСТАНА, 23 қараша — Sputnik. Boxingnews24.com журналисі Дэн Эмброуз егер Геннадий Головкин мен Сауль Альварес реваншы өтіп, мексикалық боксшы жеңіске жетсе, орта салмақтағы WBC тұжырымы бойынша толық құқылы әлем чемпионы титулы кімге берілетінін болжады, деп жазды Sports.kz.
Шолушының пікірінше, ондай жағдайда "уақытша" әлем чемпионы титулы үшін өтетін Джермалл Чарло — Уго Сентено жекпе-жегінің жеңімпазы белбеуге басты үміткер болады.
«Егер Головкин реваншта „Канелодан“ жеңіліп қалса, онда орта салмақтағы WBC тұжырымы бойынша әлем чемпионы титулы Чарло — Уго Сентено жекпе-жегінің жеңімпазына берілуі мүмкін. Альварес алғашқы жекпе-жекте Кеңестің белбеуі үшін жұдырықтасқан жоқ, реваншта да оған үміткер бола қоймас. Бұл дегеніңіз, ол жағдайда WBC титулы бос қалады деген сөз. Дегенмен оның босай қоюы екіталай", — деп жазды автор.
Қазіргі таңда Чарло аталған белбеуге міндетті үміткер саналады.
