АСТАНА, 20 қараша — Sputnik. Қостанайда әйел мен екі бала иіс тиіп, ауруханаға түсті, деп хабарлайды облыстық ТЖД баспасөз қызметі.
"Қостанай облыстық ТЖД кезекшілік-диспетчерлік қызметіне таңертең сағат 07:10-да Қостанайдағы «Мичуринец» саяжай қоғамы аумағында тұратын үш азаматқа иіс тигені туралы хабарлама түсті. Алдын ала мәлімет бойынша тұрғын үйде пешті жағу жағу кезінде өрт қауіпсіздігі ережелері бұзылған", — деп хабарлады баспасөз қызметі.
Қазіргі таңда Қостанай қалалық ауруханасына 1985 жылы туған әйел, 12 жастағы ұл бала және 5 айлық қыз бала жеткізілді. Олар орташа ауыр дәрежеде уланған.
