АСТАНА, 20 қараша – Sputnik. Ақтауда пышақ жарақатынан қаза тапқан ер адамның денесі табылды, деп хабарлайды lada.kz.
№20 үйдің тұрғындарының айтуынша, 18 қараша күні таңертең полиция бүкіл үйді қоршады. Оқиға орнында кинологтар мен криминалистер жұмыс істеді. Қаза тапқан ер адам бірнеше жерден пышақ жарақатын алған.
Көршілердің кейбірі үйден айғайлаған дауыстар естіпті.
Қайғылы оқиға туралы хабар жедел жәрдем пультіне 07:21-де келіп түсті. Көз жұмған ер адам болжам бойынша 25-30 жаста.
Көршілердің айтуынша, ер адам үйленбеген, №20 үйде тұрып жатқанына біраз болыпты. Кейбір деректер бойынша, жас жігіт бұрын істі болған.
5 шағын ауданның учаскелік пунктіндегілер түсініктеме беруден бас тартты.
