АСТАНА, 17 қараша — Sputnik. Қостанай облысының Меңдіқара ауданында үйлердің бірінен екі адамның мәйіті табылды, деп хабарлайды alau.kz.
Оқиға 16 қараша күні Меңдіқара ауданының Боровское кентінде болды. Қостанай облысы ТЖД баспасөз қызметінің ақпаратынша, Пушкин көшесіндегі жеке үйден екі адамның денесі табылды.
«25 жастағы әйел мен 4 жасар бүлдіршін көз жұмды. Болжам бойынша, олар өрт салдарынан тұншығып қалған. 2 шаршы метр аумақта диван бықсыған», — деп мәлімдеді ТЖД.
Оқиға орнына өрт сөндіру күштері шақыртылған жоқ.
