АСТАНА, 16 қараша — Sputnik. Жер сілкінісінің эпицентрі Алматыда оңтүстікке қарай 145 шақырым жерде Қырғызстан аумағында болған, деп хабарлайды ҚР БҒМ сейсмикалық станциялар желісі сайтында.
16 қараша 7.42-де жер сілкінісі тіркелді. Жер сілкінісінің энергетикалық класы — 11.9, магнитудасы — MPV 5.4, тереңдігі — 5 километр.
Сезілуі туралы мәлімет (МSК-64 шкаласы бойынша): Алматыда 2 балл.
Зардап шеккендер мен келтірілген залал туралы ақпарат жоқ.
