АСТАНА 10 қараша — Sputnik. Қостанайда жоғалып кеткен Евгений Нефедов табылды. Бұл туралы оның әпкесі Елена Нефедова хабарлады, деп жазды alau.kz.
Оның сөзіне қарағанда, Евгений бүгін қоңырау шалып, жағдайы жақсы екенін айтқан.
"Оған әлеуметтік желілердегі хабарландыруды көрген достары хабарласыпты. Ол дереу маған қоңырау шалды. Бұрын баспана жалдап тұратын. Жұмысқа жақын болсын деп досы екеуі пәтерді ауыстырған екен. Келгесін әңгімелесеміз. Барлығыңызға рахмет", — деді Елена Нефёдова.
Қостанай облысы ІІД баспасөз қызметінің мәліметінше, 10 қараша күні полицейлер жедел іздестіру шараларын өткізу кезінде Евгений Нефедовты тапқан.
Естеріңізге сала кетейік, 17 жастағы жігіт 6 қараша күні жоғалған болатын.
