АСТАНА, 9 қараша – Sputnik. Петропавлда кеше жоғалған 15 жастағы қыздың мәйіті табылды, деп хабарлайды Sputnik Қазақстан Солтүстік Қазақстан облысы ішкі істер департаментінің баспасөз қызметіне сілтеме жасап.
Кешеден бері 2002 жылы туған Наталья Путилинаны іздеу жұмыстары жүргізілді, ол 8 қараша күні сағат 15:00 шамасында Петропавлдың Рабочий елді мекеніндегі №27 мектептен шығып кетіп, үйіне оралмаған. Бүгін қыздың мәйіті табылды.
Петропавл қаласы ІІБ қызметкерлері ҚР ҚК 105-бабы (Өзін-өзі өлтіруге дейін жеткізу) бойынша сотқа дейінгі тергеуді бастады. Сот-медициналық сараптама тағайындалды.
