АСТАНА, 10 қараша — Sputnik. Дәрігерлер Алматыда жаяу жүргіншілер көпірінен секірген қыздың жағдайы туралы айтты.
Қалалық денсаулық сақтау басқармасынан мәлімдегендей, 10 қараша күні сағат 13:01-де жедел жәрдем пультіне зардап шеккен қыз туралы хабар келіп түсті. Ол №7 қалалық клиникалық ауруханаға жеткізілді.
"Науқастарды қабылдау бөлмесінде қызды клиниканың жетекші мамандары қарады. Ауруханаға түскен кезде жағдайы өте ауыр болды, қазіргі таңда барлық қажетті диагностикалық шаралар жүргізіліп жатыр: тексерістер мен компьютерлік томография. Ол өкпеге жасанды вентиляция жасау аппаратына қосылған», — деп түсіндірді басқармадан.
Куәгерлерлің айтуынша, қыз жүріп бара жатқан көліктің үстіне құлапты. Полициядағылар аталған фактіге қатысты тексеріс шаралары жүріп жатқанын атап өтті.
