АСТАНА, 1 қараша– Sputnik. Қазақстанның бұрынғы ұлттық экономика министрі Қуандық Бишімбаевтың ісі бойынша басты сот талқылауының күні белгілі болды, деп хабарлайды Sputnik Қазақстан тілшісі Астананың қылмыстық істер жөніндегі мамандандырылған ауданаралық сотының залынан.
"Бишімбаевтың ісі бойынша басты сот талқылауы 2017 жылдың 7 қарашасы сағат 10-да Астананың қылмыстық істер жөніндегі мамандандырылған ауданаралық сотының ғимаратында өтсін", — деді алдын ала сот тыңдалымында Әділхан Шайхисламов.
Экс-министрдің қорғаушылары соттан тергеудегі қателікке байланысты қылмыстық істі тоқтатуды сұрады.
Бұдан бұрын Сыбайлас жемқорлыққа қарсы іс-қимыл ұлттық бюросы баспасөз конференциясын өткізіп, Қуандық Бишімбаев 1,2 миллиард теңге көлемінде келтірілген шығынды мемлекетке өз еркімен қайтарғанын мәлімдеген болатын. Алайда бұрынғы экономика министрінің адвокаттары бұл мәліметті жоққа шығарды.
