АСТАНА, 21 қазан – Sputnik. Алматыда Момышұлы мен Жаңажол көшелерінің қиылысында екі көлік соқтығысып, екі адам зардап шекті, деп хабарлайды полиция Sputnik Қазақстан агенттігіне.
Оқиға куәгерлері мен жүргізушілердің айтуынша, Toyota Land Cruiser 200 Момышұлы көшесімен солтүстік бағытта жасыл жарыққа кетіп бара жатқан, ал Land Rover оңтүстік бағытта келе жатып, Жаңажол көшесіне бұрылмақ болады. Жүргізуші Land Cruiser көлігін соңғы сәтте байқаған екен. Екі көлік соқтығысып, Land Rover бордюрге шығып кеткен.
Жол апатынан екі адам зардап шекті – Toyota Land Cruiser 200 көлігінде отырған жолаушы әйел мен жеті жасар бала. Олар ауруханаға жатқызылды.
