АСТАНА, 17 қазан — Sputnik. Орталық Азиядағы 2017 жылдың ең маңызды оқиғасы – Қырғызстандағы президент сайлауы бейбіт түрде аяқталды. Сайлау барысында билік тарапынан ұсынылған үміткер Сооронбай Жээнбеков жеңіске жетті. Оған қарсылас болған оппозициялық тараптың үміткері Өмірбек Бабанов өзінің жеңілісін мойындап, жақтастарына арандатушылыққа жол бермеді.
Қырғызстандағы президент сайлауына дайындық қарқынды өтті. Мемлекет басшылығына 13 адам үміткер болды. Алайда олардың ішінде екі үміткер бас тартып, олардың аты-жөндері сайлау бюллетендерінің сызылды.
Бұл жарыстың көшбасшылары Сооронбай Жээнбеков пен Өмірбек Бабанов болды. Олардың арасындағы сайлау алды бәсекелестігі даулы болды.
Бұл жағдайда қазіргі президент Атамбаевтың Қазақстан мемлекетін Бабановты астыртын қолдай отыра, Қырғызстанның ішкі саясатына араласуға қатысты тағылған айыптары отқа май құя түсті. Соның салдарынан екі мемлекет арасында жарияланбаған көрінбес транзиттік шайқас басталып, шекарада кептеліс пайда болды.
Қырғызстанның сыртқы саясат векторында түбегейлі өзгерістер орнамауы мүмкін.
