АСТАНА, 12 қазан — Sputnik. Қазақстан Парламенті сенатының депутаттары бейсенбі күні болған отырыс кезінде қару-жарақ саудасы туралы келісімді ратификациялады.
Бұған дейін, ҚР Қорғаныс министрінің орынбасары Талғат Мұхтаровтың хабарлауынша, Қазақстанның бұл келісімге қосылуы еліміздің "заңсыз қару-жарақ саудасымен күрес жүргізетін және бейбітшілік пен қауіпсіздікті ұстанатын халықаралық қауымдастықтың жауапты мүшесі" ретіндегі қызығушылықтарын алға тартуды жүзеге асыруға мүмкіндік береді.
2013 жылы 2 сәуір күні Нью-Йоркта бекітілген Келісім қару-жарақтың қалыпты саудасын реттеуге қатысты жалпыға бірдей халықаралық стандарттарды белгілеуге, сонымен қатар заңсыз қару-жарақ саудасымен күрес жүргізуге бағытталған.
