АСТАНА, 9 қазан — Sputnik. Тергеу қорытындысы бойынша Қазақстанда Ан-28 ұшақтарын пайдалануға тыйым салынуы мүмкін, деп хабарлады ҚР Инвестиция және даму вице-министрі Роман Скляр Азаматтық авиация комитетіндегі брифинг кезінде.
"Бәрі де мүмкін. Тергеу қорытындысын күтіп, кейін біз нақты шешім қабылдайтын боламыз", — деді ол тілшілердің Ан-28 ұшағын Қазақстанда қолдануға тыйым салу туралы қойған сұрағына жауап беріп.
Скляр, бұл ұшақтарды шығарған зауыттың мамандары келіп, қажетті консультациялар жасалатынын атап өтті.
ААК мәліметі бойынша Қазақстанда жеті Ан-28 ұшағы бар, бірақ олардың екеуі ғана ұшуға жарамды.
"Ан-28 ұшағының үшеуінің ұшуға жарамдылығы жоқ. Тағы біреуі қазіргі уақытта жұмыс істемейді, біреуі апат салдарынан істен шықты. Қалған "жарамды" болып табылатын екі ұшаққа қатысты азаматтық авиация комитеті тарапынан тексеру жүргізіліп, инженерлер нақты шешім қабылдайтын болады", — деп мәлімдеді ҚР ИДМ Азаматтық авиация комитеті төрағасы орынбасарының м.а. Тоты Әмірова.
Борттық өздігінен жазғыштың мәліметтері келесі аптаның соңында белгілі болады.
