АСТАНА, 6 қазан – Sputnik. Сириялық қарулы оппозиция кепілгер мемлекеттердің Астанадағы кезекті кездесу кезінде тұтқындар мен кепілдегі адамдарды босату туралы мәселенің шешімін қарастырылатына үмітті болып отыр, деп мәлімдеді ҚР СІМ Қайрат Әбдірахманов.
Сирияаралық келіссөздердің жетінші кезеңі Астанада қазан айының соңында өтеді деп күтіліп отыр.
"Астана-7" аясында болатын келіссөздердің негізгі тақырыптарын Қазақстан СІМ ресейлік әріптесі Сергей Лавровпен талқылады. Ол қазіргі уақытта Қазақстанға жұмыс сапарымен келді.
Ресей Сыртқы істер министрінің айтуынша қазіргі уақытта Сауд Арабиясы мен Египет мемлекеттері өзара бөлшектенген оппозиционерлерді біріктіріп, деэкалация аумақтарында келісімге келу мәселесінде маңызды рөл атқарып отыр.
Бұған дейін, келіссөздердің жетінші кезеңіне жаңадан қосылатын бақылаушы Қытай, БАӘ, Египет және Ливан мемлекеттерінің қатысуымен өтуі мүмкін екені белгілі болған еді.
Қазақстанның елордасында 2017 жылдың басынан бері Сириядағы жанжалды реттеуге қатысты алты кездесу өткізілді. Бұл кездесулердің ең басты нәтижесі Сирияның бірқатар аймақтарында төрт деэскалация аумағының құрылуын жариялау болды.
