"Қазір губернатор уақытша орналасу пунктінде, ол жаңа ғана зардап шеккендердің жағдайын біліп шықты. Олардың ыстық тамақ, шәй, жылы киімдер, шұлықтар, сыртқы киімдермен қамтамасыз етілгенінен көз жеткізді. Барлығы дұрыс ұйымдастырылғанына көз жеткізді", — деді Вячеслав Аракелов.
Бұған дейін хабарланғандай, Оңтүстік Қазақстаннан шыққан автобус Өзбекстан азаматтарын Ресейге апара жатқан. 6 қазан жұма күні түнде Владимир облысында автобус жол кептілісін айналып өтпек болып, теміржолдың қызыл белгісіне шығып кетеді де, жол үстінде сөніп қалады. Жол апаты кезінде бір қазақстандық азамат қаза тапты, екіншісі уақытша орналастыру пунктінде.
