АСТАНА, 5 қазан — Sputnik. Оқушы 4 қазан күні компьютер курсынан шығып, үйіне қайтып келмеген. Ата-аналары көмек сұрап, полицияға хабарласқан.
17 жасар Шмелев Лев Витальевичтің жоғалғаны туралы WhatsApp желісі арқылы 4 қазанда таратыла бастады.
Sputnik Қазақстан тілшілеріне берген сұхбат кезінде жасөспірімнің әкесі Виталий Шмелев бұған дейін ұлының үйден кетіп қалуына себеп болатын жағдай болмағанын айтқан. Ол ұлын кешке қарай компьютер курсына жеткізіп салады, алайда, оның айтуынша, ол жерден Лев бас ауруына шағымданып, ертерек сұранып кетеді, бірақ үйіне оралмайды.
"Ол сағат 22:30 кезінде үйде болуы тиіседі, алайда ол оқудан келген жоқ. Түн жарымда мен полицияға хабарластым. Олар ұялы байланыс арқылы оның қай жерде екенін анықтап көретінін айтты. Оның телефоны қосулы болғанымен, қоңырауға жауап болмады", — деді Виталий Шмелев.
