АСТАНА, 2 қазан — Sputnik. Дүйсенбі күні Facebook әлеуметтік желісінің басшылығы АҚШ конгресіне Ресейдің сайлауалды кампанияға араласуын дәлелдейтін құжаттардың көшірмесін ұсынады, деп хабарлайды РИА Новости.
Washington Post деректерінің мәліметтері бойынша, сенаторларға 2016 жылғы сайлауалды кампаниясы кезінде жасалған 3000 жарнамалық жарияланымдардың көшірмесі ұсынылады.
Америкадағы қоғамдық саясат жөніндегі компаниясының вице-президенті Джоэл Капланның айтуынша, олар жарнамалық платформаға шетелдің араласуына қатысты мәселені нақты анықтау үшін белсенді көмек көрсетеді.
Бұған дейін айтылғандай, Конгресс барлау комитеті ашық отырыста мәлімдеме жасау үшін Facebook, Twitter және Google өкілдерін шақырды. Қазан айына жоспарланған бұл отырыста сайлау барысына ықпал ету үшін "Ресейдің әлеуметтік БАҚ көздерін пайдалануы" жөніндегі мәселе қарастырылады.
