АСТАНА, 29 қыркүйек — Sputnik. Бір апта бұрын Ақмола облысында апатқа ұшыраған тікұшақтың экипажы түнгі мезгілдегі ұшудың себептерін түсіндірді, деп хабарлады Sputnik Қазақстан тілшілеріне Көкшетау көлік прокуратурасы.
Мекеменің хабарлауынша, тікұшақтың апатқа ұшырау себептерін Азаматтық авиация комитетінің арнайы комиссиясы тексеріп жатыр. Қазір полиция куәгерлерден жауап алып жатыр, тиісті құжаттар жиналып, сот-медициналық сараптама тағайындалған.
Тікұшақ Ақкөл ауданындағы өрт сөндіруге жіберілгені белгілі болды.
"Алдын ала мәліметтер бойынша, олардың ақауы болған, олар арнайы техникті шақырып, жөндеу жұмыстарын жүргізген. Ол жерде өрт болып жатқан. Оның ошағында қалып қою қаупі басым болғандықтан, олар түнгі ұшу себебін осылайша түсіндіреді", — деп хабарлады тергеу барысын басқаратын Көкшетау көлік прокурорының орынбасары Дулат Есмағамбетов.
