Алматыда автобус пен джип соқтығысып, бір адам зардап шекті

АСТАНА, 24 қыркүйек — Sputnik. Алматыда жолаушылар автобусы мен джип соқтығысты, деп хабарлады оқиға куәгерлері Sputnik Қазақстан агенттігіне.

Жол апаты Жандосов және Тимирязев көшелері қиылысында жексенбі күні таңертең болған.

Nissan X-Trail жүргізушісі ауладан шығып келе жатып, тыйым салынғанына қарамастан, солға Жандосов көшесіне бұрылмақ болады. Сол кезде Жандосов көшесімен жасыл жарыққа автобус келе жатқан. Джип автобустың алдынан шыға келеді, қоғамдық көлік жүргізушісі тежегішті басқанымен, еш нәтиже болмай, бар жылдамдықпен келіп джипке соғылады.

Жол апаты салдарынан автобус жолаушысы зардап шекті, ол әртүрлі жарақатпен ауруханаға жатқызылған.