АСТАНА, 19 қыркүйек — Sputnik. Биылғы жылдың сегіз айының қорытындысы бойынша ішкі жалпы өнім өсімі 4,3%-ды құрады, деп хабарлады ҚР Ұлттық экономика вице-министрі Руслан Даленов.
"Елдің 2017 жылғы қаңтар-тамыздағы әлеуметтік-экономикалық дамуының қорытындыларына тоқталсақ, экономикалық өсім шілдедегі аз ғана төмендеуден кейін ағымдағы жылдың 8 айында 4,3%-ға дейін артты. Сыртқы сауда 30%-ға жуық өсті, инфляция бәсеңдеді. Осының аясында Moody’s және S&P рейтингтік агенттіктері тәуелсіз рейтинг болжамын теріс көрсеткіштен тұрақты көрсеткішке жақсартты", — деп мәлімдеді Даленов үкімет отырысында.
Оның айтуынша, экономикалық шикізаттық емес сегментінде оң өзгерістер бар.
"Жалпы, өсімнің жоғары қарқыны 6 базалық саланың төртеуі бойынша — өнәркәсіп, сауда, көлік, ақпарат және байланыс салаларындай байқалуда. Өсу қарқының бәсеңдеуі құрылыста және ауыл шаруашылығында байқалып отыр", — деді ол.
Сонымен қатар вице-министр инфляциялық процестердің баяулағанын атап өтті.
"Жылдық инфляция баяулап келеді. Ол биылғы жылы тамызда 7%-ды құрап, нысаналы дәліз шегінде тұр. Айлық инфляция екінші ай қатарынан небәрі 0,1%-ды құрап отыр", — деді ол.
Ал жұмыссыздық деңгейі 4,9% дейгейінде сақталып отыр.
