АСТАНА, 17 қыркүйек – Sputnik. Алматыда BMW маркалы жеңіл автокөлік қоқыс таситын көлікке келіп соғылды, нәтижесінде жеңіл көліктің екі жолаушысы зардап шекті, деп хабарлайды Sputnik Қазақстан тілшілері.
Жол апаты жексенбі күні таңертең Солтүстік айналма жолдың бойында орын алды.
BMW автокөлігінің жүргізушісі мен көптеген куәгерлердің айтуынша, жеңіл көлік шеткі қатармен жүріп келе жатты, ал қоқыс таситын көлік ортаңғы қатардан бұрылып бара жатқан кезде BMW көлігін байқамай қалған.
Нәтижесінде жеңіл көлік бар жылдамдықпен қоқыс таситын көлікке келіп соғылады. Жол апаты кезінде BMW көлігінің екі жолаушысы зардап шегіп, ауруханаға жеткізілді.
Алдын ала болжамдарға сәйкес, жол апатына қоқыс таситын көліктің жүргізушісі кінәлі.
