АСТАНА, 13 қыркүйек – Sputnik. Оңтүстік Қазақстанда полицияның учаскелік инспекторы жоғалып кеткен он жасар тілі мүкіс баланы тауып алды, деп хабарлады ОҚО ішкі істер департаменті баспасөз қызметі.
Баланың жоғалып кеткені туралы 12 қыркүйекте Әл-Фараби полиция бөліміне оның әкесі хабарлап айтқан. Оның айтуынша, ұлы үйден шығып кетіп, қайтып оралмаған.
Он жасар Құралбек Нұркен арнайы мектеп-интернатта оқиды.
Полиция тиісті жедел іздеу шараларын ұйымдастырып, Шымкенттен үш шақырым қашықтықтағы Ақсукент ауылынан баланы тауып алған. Баланы тапқан учаскелік инспектордың пайымдауынша, Құралбек ауылға жаяу жеткен көрінеді.
